Chuja:

dondakoo

Dondakoo wasalia “mwiba” Yemen- WHO

Ugonjwa wa dondakoo unazidi kuwa tishio nchini Yemen baada ya kubainika kuwa hadi sasa hakuna chanjo dhidi ya ugonjwa huo kwa watoto wenye umri wa kuanzia miaka mitano na kuendelea pamoja na vijana.

Shirika la afya duniani WHO linasema ingawa dozi 100,000 za kutibu dondakoo ziliwasili Jumatatu, dawa hizo ni kwa watoto walio na chini ya umri wa miaka mitano.

WHO imetaka hatua zaidi za kufungua mipaka ili misaada ya kibinadamu pamoja na dawa ziwafikie walengwa haraka ikwezekanavyo.

WHO yahaha kukabili mlipuko wa dondakoo Yemen

Shirika la afya ulimwenguni, WHO limeanza kusambaza dawa ili kudhibiti mlipuko wa ugonjwa wa dondakoo nchini Yemen.

Mwakilishi wa WHO nchini Yemen Dkt, Nevio Zagaria amesema hatua hiyo ni muhimu ili kuondoa aibu itokanayo na watoto kufariki dunia kwa ugonjwa huo wenye chanjo.

Amesema tayari shehena ya dawa za kutibu ugonjwa huo imewasili baada ya njia za anga, majini na ardhini kufunguliwa kufuatia kufungwa kwa wiki tatu.