Chuja:

dawa

Photo: Sean Kimmons/IRIN

Uwazi kwenye ununuzi wa dawa ni muhimu kusongesha afya kwa wote

Mkutano wa Baraza Kuu la shirika la afya duniani, WHO umefikia ukingoni leo kwa kupitisha azimio linalohusu kuboresha suala la uwazi wa masoko ya dawa, chanjo na bidhaa nyingine za afya katika jitihada za uwezekano katika kurahisisha upatikanaji bidhaa hizo. Assumpta Massoi na maelezo zaidi.

Washiriki wa mkutano huo ulioanza Geneva, Uswisi tarehe 20 mwezi huu, wamepitisha azimio hilo ambalo linazitaka nchi wanachama kubadilishana taarifa kuhusu bei kamili ya dawa inayolipwa na serikali na wanunuzi wengine wa bidhaa za afya. 

Sauti
1'13"

Machafuko mapya, misaada ya kibinadamu zaidi yahitajika YEMEN

Machafuko mapya yameibuka magharibi mwa pwani ya Yemen na kusababisha watu kuyakimbia makazi yao

Zaidi ya watu 1,400 wamekimbilia majimbo ya Taizz na Hudaydah na kwenda maeneo mengine ambako huko wanahitaji misaada ya kibinadamu

Msemaji wa shirika la kuhudumia wakimbizi la Umoja wa Mataifa UNHCR Babar Baloch amesema kuwa tayari misaada ya dharura imepelekwa kwa zaidi ya familia 2000 huko Hudaydah.

Hata hivyo kwa kuwa bandari ya Hudaydah imefungwa, wameshindwa kuwasilisha vifaa kama vile vile banketi,  vyakula na dawa vilivyomo kwenye kontena 43 bandarini humo.

WHO yatoa msaada wa vifaa vya tiba Libya

Shirika la afya duniani  WHO limetoa msaada wa mitambo ya kusaidia kupumua kwa wangonjwa mahututi katika hospitali ya Tragen kusini mwa Libya

Msaada huo wa mitambo miwili pamoja na vipuri vyake vyote umetolewa kufuatia kuwepo na upungufu mkubwa wa vifaa hivyo vya tiba kwa wagonjwa mahututi na wenye kuhitaji usaidizi wa kupumua.

WHO imeeleza kujizatiti kuendelea kutoa msaada wa kibinadamu kwenye nyanja ya afya maeneo yote nchini Libya .

Fedha za kununulia vifaa tiba hivyo zimetoka kwenye mfuko wa dharura wa Umoja wa Mataifa CERF