Shirika la Umoja wa Mataifa la Mpango wa Chakula Duniani (WFP) leo limeonya kuhusu uwezekano wa kusitishwa kwa msaada wake wa chakula na lishe kwa watu milioni 1.4 walioathiriwa na mgogoro nchini Chad - ikiwa ni pamoja na wakimbizi wapya wa Sudan waliowasili - kutokana na vikwazo vya fedha.
Ofisi ya haki za binadamu ya Umoja wa Mataifa OHCHR leo imesema inatiwa wasiwasi mkubwa na kusikitishwa sana na ripoti kwamba Vikosi vya Msaada wa Haraka RSF nchini Sudan na wanamgambo washirika wao wa Kiarabu waliua mamia ya raia wa kabila la Masalit katika mji wa Ardamata mapema mwezi huu, katika shambulio lingine lililochochewa na misingi ya kikabila dhidi ya raia wasio Waarabu wa Masalit huko Darfur Magharibi katika miezi michache tu.
Kuongezeka kwa ghasia katika eneo la Darfur nchini Sudan kumezua hofu kwamba ukatili uliofanywa miongo miwili iliyopita unaweza kurudiwa, limesema leo shirika la Umoja wa Mataifa la kuhudumia wakimbizi, UNHCR, likielezea wasiwasi mkubwa juu ya maendeleo hayo.
Ofisi ya haki za binadamu ya Umoja wa Mataifa (OHCHR) imesikitishwa sana na ripoti kwamba huko Darfur nchini Sudan wanawake na wasichana wanatekwa nyara na kushikiliwa katika mazingira ya yasiyo ya kiutu katika maeneo yanayodhibitiwa na wanamgambo waasi (RSF). Anold Kayanda na maelezo zaidi.
Shirika la Umoja wa Mataifa la kuhudumia wakimbizi UNHCR, linasema takriban watu 4,000 wameuawa huku mali za raia zikiharibiwa katika mapigano yanayoendelea huko jimboni Darfur nchini Sudan, mapigano ambayo yalianzia kwenye mji mkuu Khartoum miezi sita iliyopita na kusambaa hadi nje ya mji huo, kati ya jeshi la serikali (SAF) na wanamgambo wa Rapid Support Forces, (RSF).
Kwa muda wa miezi mitatu sasa, watu wa Sudan wamevumilia mateso yasiyoelezeka huku kukiwa na ghasia zinazosambaratisha nchi yao amesema mratibu wa Umoja wa Mataifa wa masuala ya kibinadamu na mkuu wa ofisi ya kuratibu masuala ya dharura na misaada ya kibinadamu OCHA, Martin Griffiths.
Mwendesha mashtaka wa Mahakama ya Kimataifa ya Uhalifu ICC amesema leo kwamba anachunguza madai mapya ya uhalifu wa kivita na uhalifu dhidi ya binadamu katika jimbo la Darfur nchini Siudan, ikiwa ni pamoja na mauaji ya hivi karibuni ya watu 87 wa jamii ya kabila la Masalit, yaliyoripotiwa kutekelezwa na vikosi vya msaada wa haraka RSF Rapid na wanamgambo wake.
Ujumbe wa Umoja wa Mataifa wa usaidizi wa mpito nchini Sudan UNITAMS, leo umekaribisha usitishaji vita wa upande mmoja wa jeshi la Sudan SAF na vikosi vya msaada wa haraka RSF, katika sikukuu za Eid na kusisitiza haja ya vikosi vyote viwili kudumisha muafaka huo.
Shirika la Umoja wa Mataifa la kuhudumia wakimbizi UNHCR limesema inatiwa hofu kubwa na ongezeko la mahitaji ya kibinadamu miongoni mwa watu walioathirika na machafuko yanayoendelea nchini Sudan wakati idadi ya wati waliotawanywa na mgogoro huo ikiendelea kuongezeka na huku ufikishaji wa misaada ya kibinadamu ukiendelea kukabiliwa na vikwazoi vya kiusalama, kutokuwa na fursa ya kuwafikia wenye uhitaji na ukosefu wa fedha za ufadhili.
Mshauri maalum wa Umoja wa Mataifa kuhusu kuzuia mauaji ya kimbari Alice Wairimu Nderitu amezitaka pande zote katika mzozo nchini Sudan kulinda rai ana kuheshimu sheria za kimataifa za kibinadamu huku akionya kuwa kinachoendelea nchini Sudan ni uhalifu dhidi ya ubinadamu.
