Cox's Bazar

Nilichoshudia Cox’s Bazar kimenikumbusha wajukuu zangu- Guterres

Kiwango cha machungu waliyopitia warohingya nchini mwao, ukichanganya na madhila ambayo wanapitia hivi sasa huko Cox's Bazar ni kikubwa mno na ni lazima jamii ya kimataifa iongeze msaada wake wakati huu ambapo tayari Bangladesh imefungua mipaka kunusuru warohingya ambao wengi wao ni waislamu.

Nina miaka 90 na nimekuwa mkimbizi Bangladesh mara tatu: Zahra 

Kuwa mkimbizi ni suala moja, kuwa ajuza mkimbizi ni suala lingine lakini kulazimika kuikimbia nchi yako mara tatu kwa sababu ya machafuko ni sawa na kuweka msumari wa moto juu ya kidonda. Hayo ndiyo yaliyomsibu Bi. Zahra Gul mwenye umri wa miaka 90 , mkimbizi wa wa Rohinya kwa mara ya tatu ambaye sasa anaishi kambini Katupalong  nchini Bangladesh..