Cox's Bazar

Taka ngumu ikiwemo plastiki ni mtihani mkubwa Cox's Bazar, IOM yachukua hatua

Udhibiti wa taka ngumu ikiwemo za plastiki ni changamoto kubwa katika kambi ya wakimbizi wa Rohingya ya Cox’s Bazar nchini Bangladesh, na hasa kwa kuzingatia kwamba kambi hiyo ina msongamano na hakuna shemu maalum ya kutupa limesema shirika la Umoja wa Mataifa la uhamiaji IOM ambalo  sasa limepata dawa mujarabu. Je ni ipi hiyo? Ungana na Flora Nducha 

Hofu ya COVID-19 yaambatana na hofu ya ukatili majumbani huko Cox’s Bazar

Shirika la Umoja wa Mataifa la kuhudumia watoto, UNICEF limesema ingawa ugonjwa wa virusi vya Corona, COVID-19, unakwamisha harakati za kufuatialia visa vya ukatili wa kijinsia na ukatili dhidi ya watoto katika kambi ya wakimbizi warohingya huko Bangladesh, bado kuna mbinu zinatumika kupatia msaada manusura.

UNHCR yajipanga mapema kudhibiti COVID-19 katika kambi za wakimbizi wa Rohingya

Pamoja na kuwa hakuna mgonjwa yeyote wa virusi vya corona, COVID-19 ambaye ameripotiwa miongoni mwa wakimbizi nchini Bangladesh, shirika la Umoja wa Mataifa la kuhudumia wakimbizi UNHCR linachukua hatua za kujiandaa kukabiliana na mlipuko ikiwemo kujenga wodi za kuwatibu wagonjwa katika maeneo hayo. 

Nisipokuwa mhandisi au daktari basi nitakuwa mwalimu-Mtoto mkimbizi kambini Cox’s Bazar

Mtoto mkimbizi kutoka Mynmar anayeishi Cox’s Bazar nchini Bangladesh amesema bila kujali mazingira anayoishi anataka kutimiza ndoto yake ya kusoma na kuwa mhandisi au daktari.

Mustakabali wa elimu kwa watoto na barubaru wa kirohingya uko hatarini- UNICEF

Shirika la Umoja wa Mataifa la kuhudumia watoto, UNICEF limesema miaka miwili ya harakati za kila uchao za kujikwamua kimaisha kwa warohingya waliosaka hifadhi nchini Bangladesh zimetumbukiza nyongo mustakabali wa elimu kwa kizazi kizima

Mvua yaleta madhara kambini Cox’s Bazar, UN yasaidia wakimbizi

Mvua kubwa iliyonyesha mfululizo kwa siku tatu kwenye makazi ya wakimbizi warohingya kutoka Myanmar huko Cox’s Bazar nchini Bangladesh imeharibu makazi 273 na kujeruhi watu 11 kwenye eneo hilo ambalo ni makazi ya wakimbizi zaidi ya 900,000.

Wazazi warohingya wahofia mustakabali wa elimu kwa watoto wao Cox’s Bazar

Shirika la Umoja wa Mataifa la kuhudumia wakimbizi, UNHCR linafanya kila liwezalo kuhakikisha watoto wakimbizi warohingya huko Bangladesh wanapata elimu wakati huu ambapo wazazi wao wana hofu kubwa juu ya mustakabali wa elimu ya watoto hao.

Ufadhili wa elimu wahitajika ili kuokoa “kizazi kilichopotea” cha watoto warohingya: UNICEF

Zaidi ya watoto nusu milioni wakimbizi wa kabila la Rohingya waliosaka hifadhi kusini mwa Bangladesh wananyimwa fursa ya elimu na hivyo juhudi za dharura za kimataifa zinahitajika ili kuepusha watoto hao wasikate tamaa.

Nilichoshudia Cox’s Bazar kimenikumbusha wajukuu zangu- Guterres

Kiwango cha machungu waliyopitia warohingya nchini mwao, ukichanganya na madhila ambayo wanapitia hivi sasa huko Cox's Bazar ni kikubwa mno na ni lazima jamii ya kimataifa iongeze msaada wake wakati huu ambapo tayari Bangladesh imefungua mipaka kunusuru warohingya ambao wengi wao ni waislamu.

Nina miaka 90 na nimekuwa mkimbizi Bangladesh mara tatu: Zahra 

Kuwa mkimbizi ni suala moja, kuwa ajuza mkimbizi ni suala lingine lakini kulazimika kuikimbia nchi yako mara tatu kwa sababu ya machafuko ni sawa na kuweka msumari wa moto juu ya kidonda. Hayo ndiyo yaliyomsibu Bi. Zahra Gul mwenye umri wa miaka 90 , mkimbizi wa wa Rohinya kwa mara ya tatu ambaye sasa anaishi kambini Katupalong  nchini Bangladesh..