Chakula

Maisha ya watu milioni 20 hatarini kwa tisho la baa la njaa Yemen-UN

Hali mbaya ya uhakika wa chakula inayoongezeka haraka nchini Yemen inaweka rehani Maisha ya karibu watu milioni 20 kwa mujibu wa tathimini ya uhakika wa chakula (IPC) iliyotolewa leo na serikali ya Yemen, Umoja wa Mataifa washirika wa misaada ya kibinadamu.Shirika la mpango wa chakula duniani WFP limesema msaada wake wa chakula ndio msaada pekee unaoepusha janga kubwa la baa la njaa nchini humo lakini mapigano yanayoendelea, kupanda kwa beiza vyakula na kuporomoka kwa uchumi viwanawasukuma watu kuelekea kwenye baa la njaa.

Maabara mpya ya IAEA yazinduliwa kukabili changamoto za chakula na kilimo

Shirika la kimataifa la nguvu za atomic , IAEA leo limezindua maabara mpya ambayo itatumika kwa kazi za kisayansi zitakazozisaidia nchi kushughulikia changamoto za chakula la kilimo. Jengo hilo lililozinduliwa nje kidogo ya mjini wa Vienna Austria ni hitimisho la ujenzi mkubwa wa mradi wa IAEA wa kukarabati maabara zake ziwe na ufanisi zaidi.

Tusikose lishe kwa kupoteza na kutupa chakula:FAO

Shirika la Umoja wa Mataifa la chakula na kilimo, FAO limetoa wito wa kuhakikisha chakula hakipotei au kutupwa hovyo ili kulinda virutubisho na lishe muhimu kwa ajili ya maisha ya binadamu.

Ahsante EU kwa msaada wako kwa watu wa Gaza- WFP

Muungano wa Ulaya EU umelipatia shirika la mpango wa chakula duniani, WFP zaidi ya dola milioni 3 kwa ajili ya kusaidia kununua chakula cha wapalestina walioko ukanda wa Gaza  huko Mashariki ya Kati.

Nchi nyingi zaidi kuendelea kuhitaji msaada wa chakula- Ripoti

Mizozo inayoendelea katika maeneo mbalimbali duniani pamoja na hali mbaya ya hewa vimesababsisha kuongezeka kwa idadi ya nchi zinazohitaji msaada wa chakula.

Kumaliza vita ndio muarobaini wa njaa duniani

Mizozo na vita vinashika kasi kila uchao kwenye maeneo mbalimbali duniani. Katika mazingira hayo uzalishaji wa chakula ni tatizo, halikadhalika usafirishaji wa mazao ya chakula. Fedha nyingi hutumika kununua chakula cha msaada. 

Bei ya chakula imepanda kwa aslimia 1.1 Februari :FAO

Ripoti ya Februari ya shirika la chakula na kilimo duniani FAO imebaini ongezeko la asilimia 1.1 la bei ya nafaka duniani Ikilinganishwa na mwezi Januari mwaka huu.