Beirut

UNIFIL yakita kambi Beirut kusaidia kurejesha maisha ya mji huo mkuu wa Lebanon  

Kufuatia idhini iliyotolewa na Baraza la Usalama la Umoja wa Mataifa kwa kikosi cha mpito cha Umoja wa Mataifa nchini Lebanon, UNIFIL kuchukua hatua za maalumu za muda mfupi ili kutoa usaidizi kwa Lebanon na watu wake baada ya mlipuko uliotokea nchini mwezi uliopita, walinda amani wa UNIFIL tayari wamekita kambi katika mji Mkuu wa Lebanon, Beirut, wakiwa na vifaa mbalimbali tayari kutoa msaada unaohitajika.

WFP yaelekeza meli yake yenye shehena za vyakula Lebanon ili kunusuru wananchi

Shirika la Umoja wa Mataifa la mpango wa chakula duniani, WFP limefikisha tani 12,500 za unga wa ngano nchini Lebanon ili kuepusha ongezeko la bei ya mkate nchini humo kwa mwezi wote wa Septemba unaoweza kusababishwa na milipuko mikubwa ya tarehe 4 mwezi huu wa Agosti iliyosambaratisha bandari ya Beirut ambayo ni tegemeo kwa kupokea shehena za mizigo katika taifa hilo la Mashariki ya Kati. 

Poleni sana waathirika tutaendelea kushikamana nanyi:Grandi

Kamishina mkuu wa shirika la Umoja wa Mataifa la kuhudumia wakimbizi UNHCR, Filippo Grandi amewatembelea wakimbizi ambao ni waathirika wa mlipuko wa wiki iliyopita mjini Beirut nchini Lebanon kuwapa pole na kuwahakikishia kwamba Umoja wa Mataifa utaendelea kushikamana nao kwa hali na mali.

Nilichokiona Beirut sitosahau katu -Mkimbizi wa Syria

Nchini Lebanon, wakimbizi kutoka Syria walionusurika katika mlipuko mkubwa wa tarehe 4 mwezi huu wa Agosti kwenye mji mkuu wa Lebanon, Beirut wamesimulia kile ambacho walishuhudia na kiwewe kilichowakumba katika tukio hilo lililosababisha vifo vya watu zaidi ya 170 na wengine zaidi ya 6,500 wamejeruhiwa.

Mashirika ya UN yashikamana kukidhi mahitaji ya waathirika wa mlipuko Beirut

Mashirika ya Umoja wa Mataifa yanaendelea kujikusanya na kugawa misaada ili kukidhi mahitaji ya waathirika wa mlipuko mjini Beirut.  Shirika la Umoja wa Mataifa la mpango wa chakula WFP hivi sasa linajiandaa kusafirisha maelfu ya tani za unga wa ngano ili kujaza ghala la chakula cha msaada lililosambaratishwa na mlipuko huo kwenye bandari ya Beirut. 

Lazima haki na uwajibikaji vitendeke kufuatia mlipuko wa Beiruti:Wataalam UN

Wataalam wa haki za binadamu wa Umoja wa Mataifa leo wamesema janga la mlipuko lililotokea Beirut Lebanon Agosti 4 mwaka huu na kusababisha vifo vya watu wengi na kujeruhi wengine kwa maelfu, linahitaji uchunguzi huru na wa haraka ambao utazingatia wajibu wa kimataifa wa haki za binadamu, utakaotanabaisha majukumu ya mlipuko huo na hatimaye kufikia kupata haki na uwajibikaji kwa wahusika. 

WFP kupeleka unga wa ngano na nafaka nchini Lebanon

Ili kusaidia kupambana na uhaba wa chakula nchini Lebanon baada ya mlipuko uliotokea tarehe 4 Agosti mwaka huu, shirika la Umoja wa Mataifa la mpango wa chakula duniani WFP, linapeleka nchini humo unga wa ngano na nafaka katika kipindi hiki ambacho nchi inajenga upya bandari yake na imesaliwa na hifadhi ya unga wa ngano inayokadiriwa kukidhi mahitaji ya soko kwa kipindi cha wiki sita.

UN4Beirut na mshikamano na wananchi wa Lebanon

Nchini Lebanon, wafanyakazi wa Umoja wa Mataifa wamezindua kampeni iitwayo Umoja wa Matafa kwa ajili ya Beirut, au UN4Beirut kwa lengo la kuonesha mshikamano na kusaidia watu wa Lebanon kusafisha mitaa ya mji huo mkuu uliosambaratishwa na mlipuko mkubwa wa tarehe 4 mwezi huu wa Agosti. 

UN yataka uchunguzi wa kuaminika na wa wazi kuhusu chanzo cha mlipuko wa Lebanon

Katibu Mkuu wa Umoja wa Mataifa Antonio Guterres amesema idadi kubwa ya watu bado hawajapatikana ikiwa ni takriban wiki moja tangu kutokea mlipuko mkubwa nchini Lebanon uliowaacha watu wa taifa hilo na dunia katika majonzi, mshituko mkubwa na hali ya kutoamini kilichojiri. 

Mashirika ya Umoja wa Mataifa yaendelea na juhudi za kuokoa maisha Beirut

Ikiwa leo ni siku ya saba tangu kutokea mlipuko mkubwa katika mji mkuu wa Lebanon, Beirut, Umoja wa Mataifa kupitia mashirika yake umeendelea kufanya kila juhudi za kuokoa maisha na kurejesha hali ya kawaida katika mji huo ambao ni kiini cha maisha ya nchi hiyo iliyoko  mashariki ya kati.