Americas

KM ametangaza sera mpya juu ya uhusiano wa kimataifa

Kwenye hotuba aliyoiwakilisha mbele ya wajumbe waliohudhuria warsha maalumu, leo asubuhi, katika Chuo Kikuu cha Princeton, kilichopo Jimbo la New Jersey, Marekani KM Ban Ki-moon alibainisha mtazamo wa sera mpya ya kimataifa juu ya uhusiano wa pande nyingi, miongoni mwa nchi wanachama.

Utatuzi Mbadala wa Mzozo wa Chakula Duniani

Mnamo wiki hii, David Nabarro, aliyeteuliwa kuongoza Tume ya UM juu ya Mzozo wa Chakula Duniani amehadharisha kwamba licha ya kuwa,katika siku za karibuni bei za chakula duniani ziliteremka kwa kiwango kikubwa sana, tukio hilo halikufanikiwa kuuvua umma wa nchi masikini na tatizo la njaa. Mamilioni ya watu duniani bado hawana uwezo wa kupata chakula kwa sababu ya mchanganyiko wa ufukara na mporomoko, usio wa kawaida, wa shughuli za uchumi, kijumla.

Matishio yanayokithiri ya uhalifu wa mipangilio yanazingatiwa na Kamisheni ya UM

Kamisheni ya UM Inayohusika na Mahakama za Kesi za Jinai na Udhibiti wa Uhalifu Alkhamisi imefungua rasmi mjini Vienna, kikao cha 18 cha wawakilishi wa kimataifa kujadilia taratibu za pamoja, kukabiliana na tishio la uhalifu wa mipangilio dhidi ya utulivu na amani duniani.

Kamishna wa Haki za Binadamu kuihimiza jumuiya ya kimataifa kushirikiana kukomesha uovu wa ubaguzi wa rangi

Kamishna Mkuu wa UM juu ya Haki za Binadamu, Navi Pillay ameyasihi Mataifa Wanachama kujiepusha na alioitafsiri kuwa ni tabia karaha inayowakilisha "mawazo finyu ya kisiasa" na "ung\'anga\'niaji wa uzalendo", na badala yake kuyataka mataifa yakamilishe maafikiano yanayokabiliwa na wote, ili kuendeleza mbele juhudi za pamoja za kupiga vita utovu wa ustahamilivu wa kitamaduni na uovu wa ubaguzi wa rangi duniani.

Hapa na pale

Baraza la Usalama linazingatia hali Guinea-Bissau

Baraza la Usalama limekutana asubuhi kuzingatia ripoti ya KM kuhusu usalama na amani katika Guinea-Bissau, na pia kusailia shughuli za Ofisi ya UM inayohusika na Ujenzi wa Amani nchini humo.

Wataalamu wa kimataifa wathibitisha nishati anuwai ya viumbehai inahitajika kukuza maendeleo vijijini

Ripoti mpya kuhusu matokeo ya utafiti wa kimataifa juu ya matumizi ya nishati kwa wanavijiji, iliotolewa wiki hii, na kuchapishwa bia na Shirika la UM juu ya Chakula na Kilimo (FAO) pamoja na Idara ya Uingereza Inayohusika na Maendeleo Kimataifa (DFID) imethibitisha ya kuwa pindi uzalishaji wa japo kiwango kidogo cha nishati kutoka anuwai ya viumbehai utatekelezewa jamii za kienyeji, kadhia hiyo ina matumaini ya kuimarisha, kwa kiwango kikubwa, shughuli za maendeleo vijijini, hasa katika nchi masikini.

Mijadala leo katika Makao Makuu

Baraza la Udhamini leo linazingatia suala la mgogoro wa chakula duniani, na pia kujadilia sera za kutumiwa, kipamoja, na Mataifa Wanachama ili kuhakikisha haki ya mwanadamu kupata chakula hutekelezewa umma wa kimataifa kote ulimwenguni.

Siku ya afya duniani 2009 kuadhimishwa 07 Aprili

Ijumanne ya tarehe 7 Aprili huhishimiwa kimataifa kuwa ni Siku ya Afya Bora Duniani. Taadhima za 2009 zitalenga zaidi kwenye zile juhudi za kuimarisha usalama wa vifaa na nyenzo za kuhudumia afya ulimwenguni, na pia kwenye uwezo wa wahudumia afya katika mazingira ya tiba ya dharura.

Mawaziri wa Afya wakubaliana Beijing kuharakisha udhibiti bora wa TB sugu

Mkutano wa siku tatu, ulioandaliwa na Shirika la Afya Duniani (WHO), kwa ushirikiano na Serikali ya Jamhuri ya Umma wa Uchina pamoja na Taasisi za Bill na Melinda Gates, ulifanyika Beijing wiki hii, kwa makusudio ya kushauriana juu ya mradi mpya wa utendaji, utakaofaa kutekelezwa kipamoja ili kudhibiti bora maradhi ya kifua kikuu, hususan kwenye yale mataifa yanayosumbuliwa zaidi na ugonjwa huo.