Mamilioni ya watoto kunufaika na chanjo ya Malaria
Chanjo dhidi ya malaria katika kituo cha afya.
Mamilioni ya watoto kunufaika na chanjo ya Malaria
Afya
Kampuni ya kutengenza dawa za binadamu ya GSK imepatiwa kandarasi ya kuzalisha chanjo ya kwanza ya Malaria duniani lengo likiwa ni kulinda mamilioni ya watoto dhidi ya ugonjwa huo unaogharimu mamilioni ya Maisha ya watoto limesema shirika la Umoja wa Mataifa la kuhudumia watoto UNICEF hii leo.
Tuzo hiyo ya kihistoria, yenye thamani ya takriban dola milioni 170, itapelekea kupatikana kwa dozi milioni 18 za chanjo ya RTS,S katika kipindi cha miaka mitatu ijayo, na uwezekano wa kuokoa maelfu ya maisha ya watoto kila mwaka.
Malaria inasalia kuwa moja ya ugonjwa mkubwa unaoua watoto walio na umri wa chini ya miaka mitano. Mwaka 2020, takriban watoto nusu milioni wavulana kwa wasichana walikufa kutokana na ugonjwa huo barani Afrika pekee, idadi hiyo ni sawa na kifo kimoja kila dakika.
Watoto nchini Kenya ambao ndio waathirika wakubwa wa maambukizo ya malaria.
Hii ni hatua kubwa
Etleva Kadilli, Mkurugenzi wa Kitengo cha Ugavi cha UNICEF, amesema kandarasi hii inatuma ujumbe wa wazi kwa watengenezaji wa chanjo ya malaria kuendelea na kazi yao.
“Tunatumai huu ni mwanzo tu. Ubunifu unaoendelea unahitajika ili kutengeneza chanjo mpya na za kizazi kijacho ili kuongeza usambazaji unaopatikana, na kuwezesha soko bora la chanjo," alisema na kuongeza kuwa "Hii ni hatua kubwa imepigwa katika juhudi zetu za pamoja za kuokoa maisha ya watoto na kupunguza mzigo wa malaria kama sehemu ya mipango pana ya kuzuia na kudhibiti malaria".
Mtoto huyu mchanga hana hofu ya kupatiwa chanjo, huduma ambayo ni muhimu ili kumkinga dhidi ya magonjwa yanayoweza kusababisha vifo. Picha hii ya mwezi Mei mwaka 2020 imechukuliwa kwenye kitu cha afya cha Moussadougou nchini Côte d'Ivoire.
Ugonjwa unaozuilika
Malaria husababishwa na vimelea na huambukizwa kwa binadamu kupitia mbu jike aina ya Anopheles. Ingawa ugonjwa huo unaweza kuzuilika na kutibika, unaweza kusababisha kifo usipotibiwa.
Zaidi ya nchi 30 zina maeneo yenye maambukizi ya wastani hadi ya juu ya malaria, kulingana na takwimu kutoka Shirika la Umoja wa Mataaifa la Afya Duniani WHO, na chanjo hiyo inaweza kutoa ulinzi wa ziada kwa zaidi ya watoto milioni 25 kila mwaka mara tu usambazaji unapoongezeka.
Chanjo ya malaria ya RTS,S ni matokeo ya miaka 35 ya utafiti na ni chanjo ya kwanza kabisa kuzalishwa dhidi ya ugonjwa wa Malaria.
Mpango wa majaribio
Chanjp hii kwa majaribio ilizinduliwa katika programu ya majaribio ya 2019, iliyoratibiwa na WHO, katika nchi tatu za Ghana, Kenya na Malawi ambayo imefikia zaidi ya watoto 800,000.
Mwezi Oktoba 2021, shirika la afya la Umoja wa Mataifa lilipendekeza matumizi yake makubwa katika nchi zenye maambukizi ya wastani hadi ya juu ya malaria.
Mwezi Desemba 2021, Gavi, Muungano wa Chanjo, ulichukua uamuzi wa kutoa ufadhili kwa programu za chanjo ya malaria katika nchi zinazostahiki, na hivyo kufungua njia ya utolewaji mpana wa chanjo hiyo.
Nchini Msumbiji, vizazi vitatu vya familia moja huketi pamoja chini ya chandarua kilichotiwa dawa.
"Dirisha" la ufadhili lilifunguliwa
Mkurugenzi Mtendaji Seth Barkley aliripoti kwamba Gavi hivi karibuni alifungua "dirisha la maombi" kwa maombi ya ufadhili.
"Shukrani kwa kazi ya ununuzi ya UNICEF, sasa tuna uhakika zaidi juu ya usambazaji na tunaweza kupiga hatua zaidi kuelekea kupata chanjo hii ya kuokoa maisha kwa watu wanaoihitaji zaidi. Wakati utengenezaji unapoongezeka kwa wakati, tunatumai kuwa kuongezeka kwa wingi wa uzalishaji pia kutasababisha bei endelevu na ya chini, "alisema.
Wakati huo huo, WHO imekaribisha maendeleo katika kupata chanjo na upatikanaji kwa wakati kwa chanjo hiyo ili nchi nyingi zaidi ziweze kuanza kuitumia haraka iwezekanavyo.
"Maisha yako hatarini, kila siku," alisema Dk. Kate O'Brien, Mkurugenzi wa Idara ya Chanjo, Chanjo na Biolojia ya WHO. "Kwa kuzingatia ugavi mdogo wa awali, ni muhimu kwa watoto wanaoishi katika maeneo ambayo hatari ya magonjwa na mahitaji ni ya juu sana wapewe kipaumbele kwanza".
Mahitaji makubwa yanatarajiwa
UNICEF inatarajia kuwa mahitaji ya chanjo ya malaria yatakuwa makubwa miongoni mwa nchi zilizoathirika.
Kama ilivyo kwa chanjo yoyote mpya, usambazaji utakuwa mdogo mwanzoni, wakala huo ulisema, lakini utaongezeka kadri uwezo wa utengenezaji unavyoongezeka kwa wakati, ambayo itasababisha kupungua kwa gharama kwa kila kipimo.
Mipango tayari inaendelea ili kuongeza uzalishaji, ikiwa ni pamoja na kuhamisha teknolojia, UNICEF iliongeza, "ili kila mtoto aliye hatarini siku moja apate fursa ya kuchanjwa dhidi ya ugonjwa huu unaoua".