Hatua zozote za kijeshi Ukraine zinahatarisha haki za binadamu:OHCHR
Amani na Usalama
Kamishina mkuu wa haki za binadamu wa Umoja wa Mataifa Michelle Bachelet leo ameongeza sauti yake katika hali inayoendelea kuwa tete nchini Ukraine. Kupitia taarifa yake iliyotolewa mjini Geneva Uswi Bi.
Bachelet amesema “Kufuatia uamuzi uliotangazwa na Rais wa Shirikisho la Urusi jana usiku kuhusu Ukraine, nina wasiwasi mkubwa kwamba ongezeko lolote la hatua za kijeshi huleta hatari kubwa ya ukiukwaji mkubwa wa haki za binadamu pamoja na ukiukwaji wa sheria za kimataifa za kibinadamu.”
Tweet URL
1/3: @mbachelet on #Ukraine 🇺🇦:"Following the decision by the President of Russia, I am deeply concerned that any significant escalation in military action creates a heightened risk of serious human rights violations as well as violations of international humanitarian law." pic.twitter.com/eGd687z6fC
UNGeneva
Ameongeza kuwa “Katika wakati huu muhimu, kipaumbele, juu ya yote, lazima kiwe kuzuia kuongezeka zaidi kwa machafuko, na kuzuia vifo vya raia, kuhama na uharibifu wa miundombinu ya raia.”
Kamishina mkuu amezisihi pande zote kukumbuka wajibu wao kimataifa wa kudumisha amani na sio vita “Natoa wito kwa pande zote kusitisha uhasama na kuandaa njia ya mazungumzo badala ya kuweka mazingira ya kuleta vurugu zaidi.”
Amehitimisha taarifa yake kwa kusisitiza kuwa ofisi ya haki za binadamu itaendelea kufuatilia kwa karibu pande zote husika kwenye mtastari wa makabiliano huko Mashariki mwa Ukraine.
Baraza kuu kukutana kujadili hali hiyo
Naye Rais wa Baraza Kuu la Umoja wa Mataifa Abdulla Shahid amesema “Kabla ya mkutano wa Baraza Kuu kesho Jumatano utakaomulika hali ya Ukraine, natoa wito kwa wahusika kuzidisha mazungumzo na kutuliza mwelekeo wa sasa wa machafuko kupitia mazungumzo. Kuzingatia kikamilifu katiba ya Umoja wa Mataifa, madhumuni yake na kanuni zake na hiyo ndiyo njia pekee ya kuhakikisha amani ya kudumu."