Moto waua watoto wakiwa shuleni nchini Niger

9 Novemba 2021

Watoto kadhaa wamekufa baada ya moto kuteketeza shule ya msingi katika mji wa Maradi nchini Niger limeeleza shirika la Umoja wa Mataifa la kuhudumia Watoto UNICEF nchini humo. 

Katika taarifa kwa vyombo vya habari Iliyotolewa usiku wa tarehe 08 Novemba na mwakilishi wa UNICEF nchini humo Stefano Savi akiwa katika mkoa wa Niamey imesema “UNICEF imepata taarifa za awali zinazoonesha kuwa watoto kadhaa waliuawa au kujeruhiwa katika moto huo.”

Savi ametuma salama za rambirambi na pole kwa familia za watoto hao na kueleza "Mioyo yetu iko pamoja na watoto na familia zilizoathiriwa. Rambirambi zetu za dhati kwa familia za wahasiriwa na jamii zao.”

Ameeleza hakuna mtoto anayepaswa kuwa hatarini wakati anajifunza shuleni na kwamba UNICEF itaendelea kushirikiana na mamlaka ya kitaifa na washirika yote nchini humo ili kuhakikisha watoto wanaweza kuhudhuria shule na kujifunza katika mazingira salama.

UNICEF inafanya kazi katika nchi na maeneo190 yenye hali ngumu na mbaya zaidi duniani, ili kuwafikia watoto wasiojiweza zaidi duniani lengo likiwa ni kuhakikisha wanajenga ulimwengu bora kwa kila mtu.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter