WHO yatuma wataalamu wake nchini Tanzania kusaidia uchunguzi wa uvumi kuhusu ugonjwa ambao haujajulikana

13 Septemba 2019

Shirika la afya duniani WHO kupitia ukurasa wake wa tovuti kanda ya Afrika mjini Brazzaville, Congo, limesema kwa kushirikiana na mamlaka ya afya nchini Tanzania wanapeleka timu ya wataalamu nchini humo kuchunguza fununu za kifo cha mtu mmoja kutokana na ugonjwa ambao haujajulikana bado.

WHO imewasiliana na wizara ya afya nchini Tanzania kupata taarifa zaidi na ikaelezea utayari wa kusaidia.

“Sambamba na wajibu wetu chini ya kanuni za kimataifa za afya, WHO mara kwa mara inapokea na kuchunguza uvumi wa masuala ya afya ya umma. Kwa msingi huo, WHO kwa kushirikiana na mamlaka inatuma wataalamu nchini Tanzania kuchunguzi uvumi huo kama jambo la haraka.” Imesema sehemu ya taarifa hiyo.

WHO itawasilisha matokeo ya uchunguzi kwa nchi wanachama.

 

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter