Warohingya zaidi ya 250,000 wapata vitambulisho wengi kwa mara ya kwanza:UNHCR

Maafisa wa UNHCR wakutana na wakimbizi wa Rohingya katika eneo la usajili katika Kambi ya Wakimbizi ya Kutapalong, Bangladesh.

© UNHCR/Will Swanson Kamishna Mkuu wa wakimbizi duniani, Filippo Grandi (kushoto) akikutana na wafanyakazi wa UNHCR na wakimbizi kutoka Myanmar kwenye kituo cha usajili huko kambini Kutupalong nchini Bangladesh

Warohingya zaidi ya 250,000 wapata vitambulisho wengi kwa mara ya kwanza:UNHCR

17 Mei 2019 Wahamiaji na Wakimbizi

Zaidi ya wakimbizi warohingya 250,000 kutoka nchini Myanmar sasa wameorodheshwa na serikali ya Bangladesh na shirika la Umoja wa Mataifa la kuhudumia wakimbizi UNHCR, na kupatiwa vitambulisho

Kwa mujibu wa taarifa iliyotolewa leo na UNHCR wakimbizi warohingya wanaohifadhiwa nchini Bangladesh hawana utaifa. Licha ya kuishi nchini Myanmar kwa vizazi na vizazi warohingya walipoteza uraia wao kufuatia mabadiliko ya sharia ya mwaka 1982 nchini Myanmar.

Shirika hilo linasema zaidi ya wakimbizi warohingya 900,000 wanabanana kwenye makazi ya Cox’s Bazar nchini Bangladesh huku 741,000 miongoni mwa wakimbiz hao walikimbia Myanmar Agosti 2017.

Akifafanua kuhusu hatua hiyo ya kuwapa vitambulisho wakimbizi hao msemaji wa UNHCR mjini Geneva Andrej Mahecic anasema, “zoezi la usajili lililoanza Juni 2018 ni la kulinda haki ya wakimbizi warohingya ili waweze kurejea nyumbani Myanmar kwa hityari katika siku za usoni.Hadi sasa serikali na UNHCR wamesajili wakimbizi 270,348 kwenye makazi ya wilaya ya Cox’s Bazar. Kila siku Zaidi ya wakimbizi 40,000 wanasajiliwa katika maeneo sita ambako zaidi ya wafanyakazi 450 wanafanya kazi kwa saa nyingi kwa lengo la kukamilisha mchakato baadaye mwaka huu 2019.”

Vitambulisho wanavyopewa wakimbizi vina taarifa muhimu kama picha zao, majina , tarehe za kuzaliwa na mahali walipozaliwa, vitambulisho hivyo pia vinasema kuwa Myanmar ndio nchi walikotoka na wanaopatiwa vitambulisho ni wakimbizi wote walio na umri wa miaka 12 na kuendelea.

UNHCR inasema zoezi la usajili ni muhimu kwa lengo la kuboresha takwimu za wakimbizi nchini Bangladesh na pia kutoa taswira kamili kwa serikali na mashitrika ya kimataifa ya misaada na kuwafanya kuelewa idadi na mahitaji ya wakimbizi hao. Pia takwimu hizo zitasaidia mipango na kulenga misaada kwa wahusika wanaoihitaji zaidi hususan wanawake, Watoto na watu wenye ulemavu.

♦ Kurambaza ukurasa mahsusi wa Siku ya Kiswahili Duniani bofya hapa.

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili hapa.

♦ Pia unaweza kupakua apu ili kusikiliza matangazo yetu wakati wowote popote ulipo.

♦ Tembelea pia chaneli yetu ya Youtube na pia Soundcloud na Twitter

HABARI MAHSUSI KUHUSIANA NA TAARIFA HII

Wakimbizi na wanaotafuta hifadhi kutoka nchi tofauti wakifungua mfungo wa Ramadhani katika Jumuiya ya Yatima ya Al Amal huko Amman, Jordan.

Mwezi Mtukufu wa Ramadhani: Kinachotuunganisha kiimarike kuliko kinachotugawa

5 Mei 2019

Utamaduni na Elimu

Mfungo wa mwezi mtukufu wa Ramadhani ukianza tarehe 5 mwezi huu, Kamishna Mkuu wa shirika la Umoja wa Mataifa la kuhudumia wakimbizi,UNHCR Filippo Grandi ametoa salamu za kuwatakia waumini wa dini ya kiislamu mfungo mwema akisema kuwa mwezi huu mtukufu unakuja wakati ambao kunashuhudiwa mazingira magumu zaidi.

Angelina Jolie akizungumza na watoto wa Rohingya katika kambi huko Cox's Bazar, Bangladesh.

Dunia isiwageuzie kisogo warohingya-Angelina Jolie

7 Februari 2019

Wahamiaji na Wakimbizi

Angelina Jolie, mjumbe maalumu wa shirika la la Umoja wa Mataifa la kuhudumia wakimbizi UNHCR wiki hii akitembelea Bangladesh amesema dunia haipaswi kuwageuzia kisogo wakimbizi wa Rohingya wanaokadiriwa kuwa milioni moja wakiwa wamekimbilia Bangladesh wakitokea Mynmar. Jolie ameomba wale wasio na makazi wasaidiwe hadi pale ambapo mamalaka za Mynmar zitaonesha nia thabiti inayohitajika kukomesha mzunguko wa mapigano uliodumu kwa miongo kadhaa.