UN, AU na Sudan wakubaliana kuhusu mustakhbali wa UNAMID Darfur

Picha Ya Albert Gonzales Farran

Mnamo februari mwaka 2010, serikali ya Ethiopia ilitoa helikopta ya kivita kwa Muungano wa Afrika, , ili kusaidia vikosi vya ulinzi wa amani kwenye ujumbe wa pamoja wa AU na UN huko Darfur UNAMID

UN, AU na Sudan wakubaliana kuhusu mustakhbali wa UNAMID Darfur

30 Septemba 2018 Amani na Usalama

Umoja wa Mataifa, UN, Muungano wa Afrika, AU pamoja na serikali ya Sudan wamekubaliana kwa pamoja kuendelea kutekeleza makubaliano ya pamoja ya kuwezesha ujumbe wa pamoja wa wa UN na AU wa kulinda amani Darfur, UNAMID kuendelea kutekeleza majukumu yake wakati huu ambapo unajiandaa kuhitimisha shughuli zake.

Makubaliano hayo yamefikiwa mwishoni mwa mkutano wa utatu uliofanyika New York, Marekani siku ya Jumamosi.

Taarifa ya pamoja iliyotolewa mwishoni mwa kikao hicho ikiwa na vipengele vitano imesema pande hizo mathalani zitafanya kazi kwa pamoja kufanikisha azimio namba 2429 la Baraza la Usalama la Umoja wa Mataifa.

Azimio hilo la mwezi Mei mwaka huu linataka Umoja wa Mataifa na Muungano wa Afrika, pamoja na serikali ya Sudan zishirikiane kwa dhati kuanzia utekelezaji wa kupunguza taratibu kikosi cha UNDAMID, kusaidia kujikwamua kwa Darfur pamoja na kipindi cha mpito cha kukabidhi shughuli zote za UNAMID kwa serikali ya Sudan .

UN /Muntasir Sharafdin

Ushirikiano baina ya wanawake ni muarobaini wa maendeleo hata kule mashinani kama inavyoonekana pichani walinda amani wanawake huko Darfur, Sudan wakielekeza wanawake mapishi ya maandazi.

Azimio liliongeza muda wa UNAMID hadi tarehe 30 mwezi Juni mwaka 2019 ambapo idadi ya askari itapunguzwa hadi si chini ya 4,050 ilhali polisi wataongezwa lakini wasizidi 2,500 katika kipindi hicho.
Serikali ya Sudan Kusini ambayo imewakilishwa kwenye mazungumzo hayo na Naibu Waziri wa Mambo ya Nje Balozi Abd Elghani Elnaim Awad Elkarim imehakikisha kutoa ushirikiano ikiwa usalama wa vifaa na watendaji wakati wa kipindi chote kilichosalia.

Katika mazungumzo hayo Umoja Mataifa uliwakilishwa na Mkuu wa operesheni za ulinzi wa amani Jean-Pierra Lacroix na msaidizi wake Atul Khare, ilhali Muungano wa Afrika uliwakilishwa na Smail Chergui, Kamishna wa amani na usalama wa AU.

UNAMID ilianzishwa tarehe 31 Julai mwaka 2007 kufuatia azimio namba 1769 la Baraza la Usalama la Umoja wa Mataifa kwa lengo la kusongesha amani Sudan kufuatia mzozo kati ya serikali na wapinzani kwenye jimbo la Darfur.

♦ Kurambaza ukurasa mahsusi wa Siku ya Kiswahili Duniani bofya hapa.

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili hapa.

♦ Pia unaweza kupakua apu ili kusikiliza matangazo yetu wakati wowote popote ulipo.

♦ Tembelea pia chaneli yetu ya Youtube na pia Soundcloud na Twitter

News Tracker: Past Stories on This Issue

Angalau sasa doria za UN zinafika huko Jebel Marra.

Sasa UN na AU zatekeleza ushirikiano kwa vitendo

9 Aprili 2018

Amani na Usalama

Umoja wa Mataifa, UN na Muungano wa Afrika, AU wameamua kushirikiana kwa kina ili kusaka suluhu kwenye mizozo na hii imeanza kutekelezwa huko Sudan ambapo ujumbe wa pamoja wa viongozi wa UN na AU uko ziarani nchini humo kutathmini utendaji wa ujumbe wa pamoja wa taasisi hizo huko Darfur, UNAMID.

Wakimbizi wa ndani jimbo la Darfur Sudan wanakabiliwa na changamoto nyingi na ugumu wa kupata maji safi. Pichani ni msichana na kaka yake wakiwa katika kituo cha maji safi cha Abu-Shok kwenye kambi ya wakimbizi wa ndani illi kuteka maji

Darfur ya sasa ni bora kuliko miaka 10 nyuma, lakini kazi bado ipo – Naibu Katibu Mkuu UN

28 Septemba 2018

Amani na Usalama

Naibu Katibu Mkuu wa Umoja wa Mataifa Bi. Amina Mohammed amesema hivi sasa jimbo la Darfur ya sasa nchini Sudan inaonekaana ni tofauti na Darfur ya miaka 10 iliyopita wakati ambapo Muungano wa Afrika, AU wa Afrika na Umoja wa Mataifa kwa pamoja walituma vikosi vya kulinda amani.