Mamia wapoteza maisha na wengine kujeruhiwa kwenye tetemeko kubwa Indonesia:UN
Msaada wa Kibinadamu
Kufuatia tetemeko la ardhi la ukubwa wa 7.5 vipimo vya richer katika jimbo la Sulawesi Katikati mwa Indonesia siku ya Ijumaa , Katibu Mkuu wa Umoja wa Mataifa Antonio Guterres amesema ameshitushwa na janga hilo na idadi ya watu waliopoteza maisha na kujeruhiwa.
Kupitia taarifa iliyotolewa na msemaji wake, idadi ya vifo na majeruhi inatarajiwa kuongezeka kufuatia tetemeko hilo la Ijumaa ambalo limesababisha uharibifu mkubwa ikiwemo miundombinu na maelfu ya majengo kuporomoka kwenye mji wa Palu katikati ya jimbo la Sulawezi.
Tweet URL
Following the 7.5 magnitude #earthquake of the coast of #Sulawesi & the destruction in #Palu, @WHO is monitoring the situation and stands ready to support the emergency response in #Indonesia 🇮🇩 pic.twitter.com/v8paA5TW2S
WHOSEARO
Duru za habari zinasema Tsunami iliyochochewa na tetemeko hilo imeambatana na mawimbi makubwa ya hadi mita tatu sawa na futi 10.
Taarifa za awali zinasema watu Zaidi ya 380 wamepoteza Maisha idadi ikitarajiwa kuongezeka ,shughuli za uokozi zinaendelea lakini zimeelezwa kukabiliwa na changamoto ya kutokuwa na umeme na maporomoko ya udongo ambayo yameziba njia kuu iendayo Palu.
Katibu Mkuu ametuma salamu za rambirambi kwa familia za waliopoteza Maisha na kwa serikali ya Indonesia akiongeza kuwa Umoja wa Mataifa uko tayari kusaidia operesheni ya uokozi inayoongozwa na serikali na juhudi za misaada.
Na mashirika mengine ya Umoja wa Mataifa likiwemo shirika la afya duniani WHO yamesema yako tayari kujumuika kutoa msaada ukiwemo wa afya.