Wapata kiwewe baharini, UNHCR yaelekeza usaidizi

7 Mei 2018

Nchini Libya, shirika la Umoja wa Mataifa la kuhudumia wakimbizi,  UNHCR limeanza awamu ya pili ya kusaidia wakimbizi na wahamiaji waliookolewa mjini Tripoli baada ya kukabiliwa na hali mbaya baharini.

UNHCR kupitia mtandao wake wa Twitter, inasema wakimbizi na wahamiaji 115 wanapatiwa msaada wa matibabu na ile ya kibinadamu katika kituo cha wanamaji mjini Tripoli.

Watu hao waliterememshwa kutoka kwenye boti baada ya hali zao kuwa mbaya kutokana na ukosefu wa maji mwilini, magonjwa ya ngozi na kiwewe wakati wakiwa safarini kuelekea Ulaya kusaka hali bora.

UNHCR na mdau wake IMC ambao ni kikundi cha kimataifa cha madaktari, wanasema kundi hilo ni la pili, ambapo kundi la kwanza la watu 100 lilipatiwa msaada tarehe 4 mwezi huu wa Mei.

Shirika hilo limetoa wito kwa mipango ya ziada ya uhamiaji na njia za halali za uhamiaji ili kuepusha majanga zaidi kwenye bahari ya Mediteranea.

 

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter