Machungu niliyopitia Libya hayafikiriki

24 Aprili 2018

Nimepitia machungu makubwa zaidi nchini Libya sasa nimerejea nyumbani nina imani kubwa. Hiyo ni kauli ya mmoja wa raia 121 wa Cameroon ambao wamerejeshwa nyumbani hivi karibuni kutoka Libya baada ya ndoto zao za kuelekea Ulaya kusaka maisha bora kutumbukia nyongo.

Ingawa hakupatiwa jina, raia huyo wa Cameroon akingumza baada ya ndege yao kutua kwenye uwanja wa ndege wa Nsimalen mjini Yaoundé amesema akiwa Libya alihamishwa kutoka gereza moja hadi jingine na sasa anajuta na kushangaa ni jambo gani lilimsukuma kukimbia nchi yake.

Mkuu wa shirika la uhamiaji la Umoja wa Mataifa IOM,  nchini Cameroon, Boubacar Seybou amesema ndege iliyowarejesha nyumbani ilifanikishwa kwa ushirikiano kati ya IOM na Muungano wa Ulaya, EU.

Hadi sasa raia 1,357 wa CAmeroon wakiwemo wanawake 252 wamerejeshwa nyumbani kwa hiari chini  ya mpango huo ambapo wanapatiwa usaidizi wa kuwawezesha kujikwamua kimaisha.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter