Kutana na mtawa anayebadili maisha ya maelfu ya wanawake DRC

19 Februari 2018

Nchini Jamhuri ya kidemokrasia ya Congo DRC wanawake wanapitia madhila makubwa kutokana na vita vya muda mrefu vinavyoendelea na vilivyosababisha zahma ya kibinadamu ikiwaacha waathirika wakubwa ambao ni wanawake na watoto katika taharuki. Lakini mtawa mmoja , sista Angelique amedhamiria kufuta machozi yao.

Akiwa mitaani na baiskeli yake na dhamira ya ukombozi, sista Angelique anatambua kuwa maelfu ya wanawake wamekwepa kutekwa, kuteswa na unyanyasaji wa kingono na anataka kubadili fikra hizo na kuwapa matumaini

(Sauti ya Sista Angelique)

“Ninapowaona wanakuja toka msituni wakiwa wametawanywa na kukimbia zahma , nyuso zao zinaonekana tofauti kabisa.”

Sasa Sista Angelique anawasaidia wanawake hao manusura kujenga upya maisha yao kwa kuwafundusha kusoma na kuandika , na kwa kuwapa mafunzo hayo anawasaidia kujitegemea.

(Sauti ya Sista Angelique)

“Endapo nitaweza kumsaidia hata mwanamke mmoja tu kuanza upya Maisha yake kwangu mimi hayo tayari ni mafanikio, kamwe sintokata tamaa.”

Shirikala Umojawa Mataifa la kuhudumia wakimbizi UNHCR linasema Sista Angelique kwa kufanya hivyo anatuma ujumbe mzito kwamba wanawake ni wastahimilivu na wanaweza kukabili lolote.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter