Funga mwaka yaingia na neema kwa wakimbizi Sudan Kusini

28 Disemba 2017

Shirika la mpango wa chakula duniani WFP, limefurahishwa na hatua ya malori yake 30 yaliyosheheni chakula na misaada mingine ya kibinadamu kufika mji wa Aweil nchini Sudani Kusini. Assumpta Massoi na maelezo zaidi.

(Taarifa ya Assumpta Massoi)

WFP kupitia mtandao wake wa Twitter imesema malori hayo yamesheheni tani 800 za chakula kama vile mahindi, soya mafuta ya kupikia na mahitaji mengine mbalimbali kwa ajili ya wakimbizi.
Kilichofurahisha zaidi ni kwamba misaada imefika muda muafaka wakati wa sherehe za kufunga mwaka. 
Mwezi uliopitam, msafara wa misaada wa shirika la Umoja wa Mataifa la kuhudumia watoto UNICEF ulishambuliwa na makundi ya wahalifu na kusababisha uharibifu mkubwa wa misaada ya kibinadamu iliyohokuwa  imelenga wahitaji wakubwa ambao ni  wanawake na watoto.
 
WFP imekuwa ikiendesha shughuli za kibinadamu Sudan Kusini katika mazingira  hatarishi kutokana na hali ya usalama hasa wakati wa kusafirisha misaada ya kibinadamu.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud