UM walaani shambulizi la kigaidi Baghdad

28 Novemba 2017

Mwakilishi wa Katibu Mkuu wa Umoja wa Mataifa nchini Iraq,  Ján Kubiš  amelaani  vikali shambulio la kigaidi lililotokea usiku wa kuamkia leo kwenye mji mkuu Baghdad na kusababisha vifo vya raia  12 na kujeruhi wengine wengi.

Bwana Kubis metuma salamu za rambirambi kwa wafiwa na pia serikali ya Iraq huku akiwatakia ahueni  majeruhi.

Pia ameitaka serikali ya Iraq ifanye uchunguzi kubaini wahusika ili wachukuliwe hatua za kisheria haraka iwezekanavyo.

Aidha Bwana Kubis ameonya serikali ya Iraq kuwa  ingawa ISIL wameshindwa na  majeshi ya Iraq bado wataendelea kuwa tishio  kwa maisha ya wananchi  wa Iraq kila uchao.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud