MINUSCA yachukua hatua kudhibiti ghasia mpya Bria, CAR

19 Agosti 2017

Kufuatia kuibuka kwa ghasia mpya kwenye mji wa Bria ulioko kilometa 450 kaskazini mwa mji mkuu wa Jamhuri ya Afrika ya Kati, CAR, Bangui, Umoja wa Mataifa umeanza kuchukua hatua ili kudhibiti hali hiyo.

Ujumbe wa umoja huo nchini CAR, MINUSCA  umesema ghasia hizo ni kati ya watu wanaodaiwa kuwa masalia ya wanaopinga Balaka na kikundi cha FPRC kilichojiengua.

Hivi sasa askari na polisi wa MINUSCA wanafanya doria kwenye mji huo kuepusha watu hao kuingia mjini na hatimaye kuibua ghasia zaidi.

Halikadhalika wanalinda wakimbizi wa ndani ikiwemo wanawake na watoto kati ya 5,000 na 6,000 waliosaka hifadhi kwenye kambi ya MINUSCA.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud