IOM sasa kusaidia wahamiaji kwa huduma za kibalozi mtandaoni

16 Juni 2017

Shirika la kimataifa la wahamiaji IOM limezindua huduma za kibalozi mtandaoni katika juhudi za kutekeleza mpango wa kurejea makwao kwa hiari, na huduma za kibinadamu za dharura kwa wahamiaji ( AVRR) walioko Libya waliokwama.

Kwa mujibu wa IOM, kwa mara ya kwanza mkutano wa huduma za ubalozi mtandaoni umefanyika mnamo Juni tano kupitia Skype kwa ushirikiano na ubalozi wa Ghana mjini Tripoli nchini Libya.

Huduma hii huwaunganisha mtandaoni, mhamiaji kwa wawakilishi wa ubalozi wake, ili apokee taarifa muhimu kabla ya kupatiwa usaidizi wa huduma ya AVRR.

Mathalani wakati wa huduma hiyo kwa mara ya kwanza, mhamiaji mmoja wa Ghana aliyekuwa katika kizuizi kiitwacho Shahat, kilichoko kilometa 250 kutoka Benghazi, Libya, alipokea hati zake za kusafiria.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter