Guterres alaani shambulio la kigaidi London

4 Juni 2017

Katibu Mkuu wa Umoja wa Mataifa António Guterres amelaani vikali shambulio la ugaidi liliotokea jana mjini London chini Uingereza na kusababisha vifo na mejeruhi kadhaa.

Vyombo vya habari vimeripoti kwamba watu saba wamefariki dunia, zaidi ya 40 wakijeruhiwa baada ya washambuliaji kuingia ndai ya umati wa watembea kwa miguu katika daraja kuu mjini London.

Katika taarifa yake kupitia msemaji wa Katibu Mkuu, Guterres  ametuma salamu zake za rambirambi kwa za wahanga wa shambulio hilo na kuwatakia uponyaji wa haraka majeruhi .

Amesema ana matumaini kwamba wahusika wa uhalifu huo usio na uhalali watafikishwa kwenye mkono wa sheria hima na kueleza mshikamano wake na watu na serikali ya Uingereza katika kukabiliana na ugaidi na misiamamo mikali.

Katibu Mkuu amesema ugaidi ni tatizo kote duniani linalohitaji mshikamano wa jumuiya ya kimataifa katika kuwafikisha katika mkono wa sheria wanaotumia mbinu zilizo kinyume na binadamu na kusisitiza kuwa ni muhimu kulinda na kupigia chapeo haki na utu ambao magaidi wanataka kuutokomeza.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud