Kusini Mashariki mwa Asia waahidi kupambana na magonjwa yaliyosahaulika

26 Aprili 2017

[caption id="attachment_316431" align="aligncenter" width="615"]hapanapaleasia

Nchi za ukanda wa Kusini Mashariki mwa asia zimeahidi kuchapuza juhudi za kutokomeza na kudhibiti magonjwa yaliyosahaulika au NTD’s ifikapo mwaka 2020 limesema shirika la afya ulimwenguni WHO hii leo.

Yakiathiri watu bilioni moja magonjwa yaliyosahaulika ni maradhi yaliyosheheni katika maeneo ya tropiki baadhi yakiwa ni ukoma, malale, na vikope. Mpango wa kuchukua hatua umepitishwa na nchi wanachama katika mkutano wa ngazi ya mawaziri uliofanyika Jumatano mjini Jakarta Indonesia.

Kwa mujibu wa WHO magonjwa haya huathiri zaidi watu waliotengwa, na jamii zilizosahaulika zikiwafanya watu hao kutumbukia zaidi katika umasikini na maisha yaliyoghubikwa na ulemavu na unyanyapaa.

Hata hivyo WHO inasema nchi nyingi za ukanda huo zinakaribia kukomesha maradhi hayo.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter