Kuendelea kuzorota kwa hali Sudan Kusini kwatia hofu-UNHCR

7 Aprili 2017

Shirika la Umoja wa Mataifa la kuhudumia wakimbizi UNHCR linatiwa hofu na kuendelea kuzorota kwa hali ya usalama ndani ya Sudan kusini, wakati shambulio la karibuni kabisa kwenye mji wa Pajok jimbo la Equatoria likiwafungisha virago wakimbizi zaidi kwenda kusaka usalama nchi jirani.

Tangu Jumatatu wiki hii wilaya ya Lamwo Uganda imepokea wakimbizi 6000 na mapigano hayo yameripotiwa pia kwenye wilaya za Magwi na Oboo zote zikiwa mpakani na Uganda. Babar Baloch msemaji wa UNHCR anafafanua zaidi

(SAUTI BABAR BALOCH)

"Wafanyakazi wa UNHCR hukokaskazini mwa Ugandahivi sasa wanaendelea kutoa msaada kwa wanawake , watoto, wazee na walemavu wanaoendelea kuwasili. Wakimbizi hao wanahitaji msaada wa kibinadamu kwa dharura, ikiwemo wa chakula, maji, makazi na matibabu. Watu takribani 4000 walikimbia mji wa Pajok pindi shambulio hili la kikatili lilipotokea"

Uganda hivi sasa inahifadhi zaidi ya wakimbizi 832,000 kutoka Sudan Kusini.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter