Ahadi ya kupatia makazi wakimbizi wa Syria yasuasua- UNHCR

30 Machi 2017

Wakati idadi ya watu wanaokimbia Syria ikivuka milioni 5 kutokana na vita vilivyodumu miaka sita, shirika la Umoja wa Mataifa la kuhudumia wakimbizi, UNHCR limetaka jamii ya kimataifa ichukue hatua zaidi kuwasaidia wapate hifadhi.

Kaminshna Mkuu wa UNHCR Filippo Grandi amesema bado kuna safari ndefu kupanua wigo wa makazi kwa wakimbizi hao wanawake, wanaume na watoto.

Akizungumza ikiwa ni mwaka mmoja tangu kufanyika kwa mkutano kuhusu Syria ulioahidi kuwapatia hifadhi wakimbizi 500,000 wa Syria ifikapo mwaka 2018, Bwana Grandi amesema hadi sasa ni nusu yao tu ndio wamefanikiwa.

Amesema iwapo jamii ya kimataifa inataka kufikia lengo iliyojiwekea mwaka jana, ni lazima hatua thabiti zichukuliwe mwaka huu.

UNHCR inakadiria kuwa takribani wakimbizi milioni 1.2 watahitaji makazi mwaka huu ambapo asilimia 40 kati yao ni raia wa Syria.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter