WFP yaleta nuru kwa wenyeji kambi ya Nyarugusu, Tanzania

31 Januari 2017

Nchini Tanzania, shirika la mpango wa chakula duniani, WFP limeanza kuwapatia wakimbizi  10,000 fedha taslimu ili kujinunulia chakula badala ya kutegemea chakula chote kupitia mgao. Mradi huo ni wa majaribio na umeanza mwezi uliopita wa Disemba ambapo WFP inasema imewezekana baada ya kupata mchango wa dola za kimarekani 385,000 kutoka Canada. Je nini kinafanyika? Stella Vuzo wa kituo cha habari cha Umoja wa  Mataifa nchini Tanzania, amezungumza kwa njia  ya simu na Said Johari, mkuu wa ofisi ya WFP huko Kasulu, mkoani Kigoma ambako wanasimamia kambi hiyo ya Nyarugusu waliko wanufaika wa mradi huo. Bwana Johari anaanza kwa kuelezea ni vigezo gani walitumia kuchagua wanufaika hao 10,000.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter