Mazungumzo ya pande kinzani Syria yaanza Astana Kazakhstan

23 Januari 2017

Pande Kinzani kwenye mgogoro wa Syria zimekutana Jumatatu mjini Astana Kazakhstan, pamoja na Urusi, Uturuki na Iran ambao ni wadhamini wa mkutano huo katika mazungumzo ya kujaribu kupiga hatua ya kufikia malengo ambayo yameshindwa kutimizwa ya kumaliza miaka sita ya vita nchini Syria.

Hio ni mara ya kwanza wawakilishi wa upinzani na wa Rais Bashar al-Assad kukutana tangu mazungumzo yanayosimamiwa na Umoja wa Mataifa mjini Geneva kuahirishwa mapema mwaka jana.

Mwakilishi maalumu wa Umoja wa Mataifa kwa ajili ya Syria Staffan de Mistura amesema Umoja huo unatuamai mazungumzo hayo yatakuwa chachu ya mazungumzo ya ana kwa ana . Mada zinazotamalaki kwenye mazungumzo hayo ni pamoja na kuimarisha usitishaji uhasama na kupiga hatua katika mazunguzo hayo itakayotoa mwanya wa mjadala zaidi hapo Februari 8 mwaka huu mjini Geneva.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud