Mfuko wa dola bilioni 1 wazinduliwa kuchagiza nishati salama

13 Disemba 2016

Tovuti inayofuatilia hatua za kukabiliana na mabadiliko ya tabianchi, imetangaza kuwa Bill Gates amezindua mfuko wa dola bilioni Moja kwa ajili ya kusaidia nishati salama zinazobuniwa kwa lengo la kupunguza utoaji wa gesi chafuzi.

Climateaction ambayo inaungwa mkono na shirika la mazingira la Umoja wa Mataifa, UNEP imesema mfuko huo unaleta pamoja zaidi ya viongozi 20 wenye ushawishi katika ujasiriamali na biashara.

Gates amesema lengo lao ni kujenga kampuni ambazo zitasaidia kuibua teknolojia za kisasa zaidi kwenye sekta ya nishati salama na yenye gharama nafuu.

Mfuko huo utakaodumu kwa miaka 20 utatoa fursa kwa tafiti na kusaidia kampuni changa kupata mitaji na zile ambazo tayari ziko kwenye utendaji ziweze kuboresha shughuli zao za kijasiriamali kwenye sekta ya nishati salama na endelevu.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter