Ban apongeza Gambia kwa uchaguzi wa amani.

3 Disemba 2016

Katibu Mkuu wa Umoja wa Mataifa  Bna Ki-moon amewapongeza watu wa Gambia kwa kufanya uchaguzi mnamo Disemba mosi kwa amani na kufuata sheria.

Taarifa ya msemaji wa Katibu Mkuu imemnukuu akipongeza tume huru ya uchaguzi kwa kuhakikisha kila kitu muhimu kimeandaliwa na kuratibu vyema uchaguzi wenye mafanikio.

Ban pia amempongeza Rais mteule Adama Barrow kwa kuchaguliwa kwake pamoja na kumpongeza Rais Yahya Jammeh kwa ujumbe wake wa kumpongeza Bwana Barrow.

Amesisitiza utayari wa Umoja wa Mataifa kuendelea kusaidia watu na serikali ya Gambia katika juhudi zao za kukuza haki za binadamu, kufanikisha maendeleo endelevu, kuimarisha utawala bora na utawala wa sheria nchini humo.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter