Umoja wa Mataifa hauna waangalizi kwenye uchaguzi wa Marekani- Dujarric

8 Novemba 2016

Upigaji kura ukiwa unaendelea nchini Marekani, Umoja wa Mataifa umesema haujapeleka mwangalizi yeyote kwenye uchaguzi huo.

Msemaji wa Umoja wa Mataifa, Stephane Dujarric amesema hayo akizungumza na wanahabari mjini New  York, Marekani kufuatia madai ya kwamba chombo hicho kimesambaza waangalizi wa uchaguzi kufuatiatilia upigaji kura.

(Sauti ya Dujarric)

“Kwanza kabisa, ushiriki wa Umoja wa Mataifa kwenye chaguzi hutokana na ombi la nchi husika. na katika matukio mengi, Umoja wa Mataifa haujihusishi kwenye ufuatiliaji wa kura labda kwenye mazingira fulani. Huwa tunashiriki kwenye kuratibu waangalizi na kusaidia masuala ya vifaa. Lakini niweke wazi, hakuna waangalizi wa Umoja wa Mataifa kwenye uchaguzi wa Marekani  unaofanyika leo.”

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter