Utu na fursa kwa wote vinategemea upatikanaji wa makazi bora: Ban

3 Oktoba 2016

Leo ikiwa ni siku ya makazi duniani, Katibu Mkuu wa Umoja wa Mataifa Ban Ki-moon amesema utu na fursa kwa wote vinategemea upatikanaji wa makazi bora kwa gharama nafuu. Rosemary Musumba na taarifa kamili.

(Taarifa ya Rosemary)

Katika ujumbe wake wa kuadhimisha siku hiyo, Ban amesema kwa kutambua umuhimu wa makazi bora kwa maendeleo , mkutano wa tatu wa makazi ujulikanao kama Habitat III utafanyika Quito Equado baadaye mwezi huu na kujikita katika utekelezaji wa ajenda ya maendeleo endelevu ya 2030.

Kwa mujibu wa Ban kufikia malengo hayo 17 ya maendeleo endelevu kutategemea kwa kiasi kikubwa endapo itawezekana kuifanya miji na makazi kujumuisha wote, kukabiliana na changamoto na kuwa endelevu.

Amesema hilo ndio lengo la ajenda mpya ya miji, ambayo serikali na wadau wa maendeleo watatarajiwa kuipitisha kwenye mkutano wa Quito.

Zaidi ya nusu ya watu wote duniani wanaishi katika maeneo ya mijini, huku karibu robo yao wanakaa katika mitaa ya mabanda na makazi yasiyo rasmi.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter