Zerrrougui akaribisha kuachiliwa kwa watoto 21 Sudan Kusini

22 Septemba 2016

Mjumbe maalum wa Katibu Mkuu wa Umoja wa Mataifa kuhusu watoto na mapigano ya silaha, Leila Zerrougui, amekaribisha kuachiliwa huru kwa watoto 21 waliowekwa kizuizini na serikali ya Sudan kwa kujihusisha na makundi ya waasi.

Wavulana hao walisakwa wakati wa operesheni za kijeshi zilizofanywa katika jimbo la Darfur na wakawekwa kizuizini katika mji wa Khartoum tangu Aprili 2015. Mjumbe huyo maalum alikutana na watoto hao mwezi machi 2016 na akaanza kutetea kuachiliwa kwao.

Bi Zerrougui alisema anafurahi kuona kwamba watoto hao watapokea msaada kupitia mpango wa kuwaunganisha na jamii zao na pia kupata msamaha wa Rais. Mwezi machi, Sudan ilitia saini mkataba wa Umoja wa mataifa wa kukomesha matumizi ya watoto jeshini. Mpango huo unahusiana na kampeni iitwayo "watoto sio wanajeshi", unahimiza kusitisha ajira ya watoto jeshini.

Pia amepongeza ushirikiano mzuri kati ya Serikali ya Sudan na Umoja wa Mataifa katika kuunga mkono juhudi hizo.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter