Ban akutana na Rais wa Baraza la Ulaya, wajadili SDGs, ugaidi, wakimbizi

14 Juni 2016

Katibu Mkuu wa Umoja wa Mataifa, Ban Ki-moon, amekutana na kufanya mazungumzo na Rais wa Baraza la Ulaya (EU), Donald Tusk.

Taarifa iliyotolewa na msemaji wake kufuatia mkutano huo imesema Ban ameusifu Muungano wa Ulaya kwa uungaji wake mkono maadili ya Umoja wa Mataifa, na kwa uongozi wake katika kuridhia na kutekeleza ajenda ya 2030 ya Maendeleo Endelevu na Mkataba wa Paris kuhusu mabdailiko tabianchi.

Aidha, Katibu Mkuu amemshukuru Rais Tusk kwa uungaji mkono wa EU kwa mpango wa Umoja wa Mataifa wa kuchukua hatua za kuzuia itikadi kali katili, huku akikumbusha haja ya ushirikiano imara wa kimataifa katika kukabiliana na changamoto zinazoibuka.

Halikadhalika, Ban ameshukuru juhudi za EU katika kudhibiti mmiminiko mkubwa wa wahamiaji na wakimbizi barani Ulaya, ikiwemo kupitia kufungua njia za kisheria za watu kuhamia Ulaya.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter