Dola milioni 550 zahitajika kusaidia wahamiaji na wakimbizi Ulaya:UNHCR&IOM

26 Januari 2016

Wakati vita vinavyoendelea Mashariki ya Kati na kwingineko vikizidi kuwafungisha virago watu na kuelekea Ulaya kuomba hifadhi , Shirika la Umoja wa Mataifa la Kuhudumia Wakimbizi(UNHCR) na lile la Kimataifa la Uhamiaji(IOM) na washirika wao 65 wametoa ombi la dola milioni 550 ili kusaidia mahitaji ya kibinadamu ya watu hao wanaoingia Ulaya.

Kwa mujibu wa mashirika hayo mwaka 2015 umeshuhudia zaidi ya wakimbizi na wahamiaji milioni moja wakiwasili Ulaya kwa njia ya boti, huku zaidi ya laki nane na nusu wakitoka Uturuki na kuingia Ugiriki na wengine wakiendelea na safari kuelekea Austria, Ujerumani, Sweden na nchi zingine.

Lengo la ombi hilo ni kufadhili operesheni za kibinadamu kwa mwaka 2016 kwa nchi zilizoathirika na kupokea wimbi kubwa la wakimbizi na wahamiaji huku nusu ya fedha zitapewa Ugiriki.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter