Baraza la usalama lapongeza chaguzi Afrika Magharibi, likihofia pia usalama

17 Januari 2016

Baraza la usalama limekaribisha chaguzi za karibuni zilizofanyika nchini  Nigeria, Togo, Burkina Faso, Guinea na Côte-d'Ivoire, huku pia likisistiza haja ya chaguzi zijazo nchini Niger, Benin, Cabo Verde, Ghana na Gambia kuwa huru, za haki, amani, jumuishi na za kuaminika.

Wajumbe wote 15 wa baraza pia wameelezea hofu yao kwamba mivutano ya kisiasa nchini Guinea-Bissau inaweza kuendelea kumomonyoa serikali nchini humo kuweka hatarini mafanikio yaliyofikiwa na taifa hilo tangu uchaguzi wa 2014.

Katika masuala ya usalama baraza limerejelea kulaani vikali mashambulizi ya kigaidi ya karibuni hususani Mali na eneo la Sahel, vilevile ziwa Chad ambako mengi yamefanywa na kundi la Boko Haram.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter