Ban alaani shambulio la kigaidi mjini Ouagadougou, Burkina Faso

16 Januari 2016

Katibu Mkuu wa Umoja wa Mataifa Ban Ki-moon amelaani shambulio la kigaidi lililotokea jana Ijumaa mjini Ouagadougou, Burkina Faso, na kusababisha vifo vya zaidi ya watu 20 na kujeruhi wengine wengi.

Ban ambaye ametuma salamu za rambirambi kwa ndugu wa waarithika, watu wa Burkina Faso na serikali , pia amewatakia nafuu ya haraka majeruhi na kurejea kusisitiza kuwa Umoja wa mataifa unashikamana na serikali ya Burkina Faso na ukanda mzima na upo tayari kusaidia katika vita vyake dhidi ya ugaidi.

Ametoa wito kwa uongozi kufanya kila liwezekanalo kuhakikisha inawafikisha kwenye mkono wa sheria haraka waliohusika na shambulio hilo.

 

♦ Kutembelea ukurasa maalum wa UNGA76 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter