Mkuu wa UNESCO alaani mauaji ya Ruqia Hassan mwandishi habari wa Syria

8 Januari 2016

Mkurugenzi mkuu wa shirika la Umoja wa mataifa la elimu sayansi na utamaduni UNESCO bi Irina Bokova, ameelezea hasira yake kufuatia taarifa za kuthibitisha mauaji ya mwandishi habari wa Syria Ruqia Hassan.

Amesema analaani vikali mauaji hayo na kupongeza ujasiri wa mwandishi huyo aliyesimamia haki za binadamu na uhuru mwingine katika mazingira magumu na kupuuzia kampeni za kikatili zinazotumia itikadi kali kukandamiza uhuru binafsi wa kufikiri, kuongea na kutenda.

Mwandishi huyo wa habari na mwanaharakati Ruqia Hassan aliandika kuhusu maisha ya kila siku ya mjini Raqqa, alipokataa kuondoka wakati mji huo ulipovamiwa na Daesh. Alitekwa mwezi Julai mwaka jana na kuuawa mwezi Septemba lakini mauaji yake ndio yamethibitishwa tuu wiki hii.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter