Wadau wote lazima kuhakikisha uchaguzi unakuwa huru na wa Amani CAR:Ban

30 Disemba 2015

Katibu Mkuu wa Umoja wa mataifa Ban Ki-Moon ametoa wito kwa wadau wote nchini Jamhuri ya Afrika ya Kati, CAR kuhakikisha uchaguzi wa Rais na wabunge unaofanyika leo unakuwa wa Amani na utulivu.

Ban ametiwa moyo na watu takriban milioni mbili waliojiandikisha kupiga kura hali ambayo amesema inaonyesha dhahiri ushiriki wa wananchi wa haki yao ya kidemokrasia.

Katibu Mkuu amerejelea kusema mpango wa Umoja wa mataifa nchini CAR MINUSCA unafanya kila liwezekanalo kwa ushirikiano na uongozi wa serikali kuhakikisha inazuia vitendo vyovyote vitakavyovuruga mchakato wa uchaguzi. Na amewataka wadau wote kushirikiana kwa karibu na MINUSCA kufanikisha hilo.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud