Kampeni ya kupambana na ukatili dhidi ya watoto yazinduliwa Afrika Mashariki

17 Novemba 2015

Mashirika ya Kimataifa yamezindua leo kampeni ya kupambana na ukatili dhidi ya watoto kwenye ukanda wa Afrika Mashariki na Kusini. Taarifa zaidi na Joseph Msami.

(Taarifa ya Msami)

Shirika la Umoja wa Mataifa la Kuhudumia Watoto UNICEF ni moja ya mashirika hayo, ambapo kwa mujibu wa taarifa iliyotolewa leo, wasichana wawili kati ya watano wenye umri wa chini ya miaka 18 kwenye ukanda huo wameathirika na ukatili wa kingono, huko asilimia 70 ya watoto wakiripoti kupigwa nyumbani au shuleni.

Taarifa imesema ukatili huo unaweza kuathiri mtoto kwa maisha yake yote na kuzuia maendeleo yake kiakili na kimwili.

Kampeni inalenga kubadilisha tabia za jamii na kushawishi serikali kuwekeza katika sera na huduma kwa ajili ya watoto, kama vile kamati za ulinzi wa watoto, namba za simu za kupiga muda wowote au vituo vya polisi rafiki kwa watoto.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter