Baraza la usalama lalaani utekaji wa Ubalozi wa UAE Sana'a, Yemen

19 Agosti 2015

Wajumbe wa Baraza la Usalama la Umoja wa Mataifa, wamelaani vikali uvamizi na utekaji wa ubalozi wa Falme za Kiarabu, UAE mjini Sana’a, Yemen, uliofanywa na wapiganaji wa Houthi mnamo Ahosti 17, 2015.

Wajumbe hao wamewataka wapiganaji wote wa Houthi waondoke mara moja kwenye majengo ya ubalozi huo.

Aidha, wamelaani vitendo vyote vya ghasia dhidi ya majengo ya kidiplomasia, wakikumbusha kanuni ya kutovamia majengo ya kibalozi. Wamekumbusha pia kuhusu wajibu wa serikali wenyeji kuchukua hatua zote zinazohitajika kulinda majengo ya kidiplomasia dhidi ya uvamizi au uharibifu, au hata mashambulizi dhidi ya mawakala wa kidiplomasia na maafisa wa ubalozi.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter