Hali Burundi yamulikwa katika Baraza la Usalama

9 Julai 2015

Hali nchini Burundi ni tete, na taifa hilo limo hatarini kutumbukia katika machafuko zaidi. Kauli hiyo imetolewa na Msaidizi wa Katibu Mkuu kuhusu masuala ya kisiasa Bwana Taye-Brook Zerihoun, wakati aklihutubia Baraza la Usalama.

Ametoa wito kwa serikali kutimiza wajibu wake wa kulinda raia wote wa Burundi na haki zao, na kwa upinzani kujiepusha na ghasia na kukubali kufanya mazungumzo ya kisiasa na serikali, akisema mazungumzo ndiyo njia pekee ya kutatua mzozo uliopo sasa na machafuko zaidi yanayotishia kulighubika taifa hilo..

Mwingine aliyeonya kuhusu uwezekano wa Burundi kutumbukia katika machfuko zaidi ni Kamishna Mkuu wa Haki za Binadamu, Zeid Ra’ad Al Hussein, ambaye, kupitia njia ya video, ameliambia Baraza hilo kuwa kumekuwa na ukiukwaji mkubwa wa haki za binadamu nchini Burudi..

Sauti ya Kamishna Zeid

"Waandamanaji wamewekwa rumande na kuteswa na kutendewa uovu mwingine. Tumepokea pia ripoti za mauaji kinyume na sheria, na hadi sasa, ukiukwaji huu haujachunguzwa au kukabiliwa kisheria."

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter