Sheria mpya ya usalama China inatia wasiwasi- Kamishna Zeid

7 Julai 2015

Kamishna Mkuu wa Haki za Binadamu Zeid Ra’ad Al Hussein, ameelezea wasiwasi wake mkubwa kuhusu sheria mpya kuhusu usalama wa kitaifa nchini China iliyopitishwa mnamo Julai mosi, na athari zake kwa haki za binadamu.

Sheria hiyo mpya inajumuisha masuala mengi mno, yakiwemo mazingira, ulinzi, fedha, teknolojia ya habari, utamaduni, itikadi, elimu na dini, huku ikielezea usalama wa kitaifa kwa njia pana mno, kama hali ambapo serikali ya nchi, uhuru, umoja, mipaka yake, hali ya watu wake na maendeleo endelevu ya uchumi na jamii yake na matakwa mengine ni salama, na havikumbani na vitisho vya ndani na nje.

Kamishna Zeid amesema sheria hiyo inaacha wazi milango ya kubinya haki na uhuru wa raia wa Uchina hata zaidi, na kukaza hata zaidi udhibiti wa mashirika ya kiraia nchini humo kuliko hali ilivyo sasa.

Amesema sheria za usalama wa kitaifa zinapaswa kuweka dhahiri ni nini kinachoweza kuchukuliwa kama kitisho kwa nchi, na njia za kukabiliana na kitisho kama hicho kwa njia ya haki, pamoja na kuwaandaa watu kwa matokeo ya vitendo vyao.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter