IMO yatoa mwongozo wa kunusuru wakimbizi na wahamiaji baharini

2 Juni 2015

Shirika la Kimataifa la Ubaharia limetoa mwongozo mpya kuhusu uokoaji wa wakimbizi na wahamiaji waliokwama baharini.

Mwongozo huo wenye maelezo mapya umechapishwa katika lugha sita, ukitoa pia mwelekeo wa sheria kuhusu njia zinazoweza kuhakikisha kuwa watu walionusuriwa, hususan wakimbizi na wahamiaji, wanawezeshwa kushuka ufukweni, na jinsi ya kukidhi mahitaji yao.

Mwongozo huo umeandaliwa kwa pamoja na IMO, Baraza la Kimataifa la Mabaharia, ICS, na Shirika la Kuhudumia Wakimbizi, UNHCR, na unalenga kutumiwa na manahodha, wamiliki wa meli na serikali.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud