Watoto hatarini kubeba mzigo wa machafuko Burundi: UNICEF

1 Mei 2015

Watoto wako katika hatari kubwa ya kubeba madhila ya machafuko yanayoendelea mjini Bujumbura nchini Burundi na viunga vyake , amesema mkurugenzi wa shirika la Umoja wa Mataifa la kuhudumia watoto UNICEF kanda ya Mashariki na Kusini mwa Afrika Bi Leila Gharagozloo-Pakkala.

Kwa mujibu wa msemaji wa UNICEF, Christope Boulierac, kumekuwepo ripoti za ukiukwaji wa haki za watoto tangu kuanza kwa maandamano ndani na nje ya mji wa Bujumbura mnamo April 26, ikiwemo :

« Watoto waliojikuta katikati ya maandamano, kuwekwa rumande, kujeruhiwa pamoja na kisa kimoja cha mtoto kuuawa. Jeshi la serikali nchini Burundi linapaswa kuhakikisha watoto hawaingizwi katika maandamano yoyote ambayo yanaweza kuwaweka hatarini hadi kuhatarisha maisha yao. »

Akizungumza za waandishi wa habari mjini Geneva, Bwana Boulierac amesema UNICEF inaendelea kufanya uchunguzi nchini humo ili kubaini ni shule ngapi zimefungwa kwa sababu ya tatizo la usalama na pia kuthibitisha hali iliyopo ndani ya magereza nchini humo.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter