UNESCO yalaani mauaji ya wanahabari 5 Sudan Kusini

29 Januari 2015

Mkurugenzi Mkuu wa Shirika la Elimu, Sayansi na Utamaduni, Irina Bokova, amelaani mauaji ya wanahabari watano nchini Sudan Kusini, na kutaka hatua zichukuliwe kuimarisha usalama wa wanahabari nchini humo.

Bi Bokova amelaani mauaji ya Musa Mohammed Dahiyah, Butrus Martin Khamis, Dalia Marko, Randa George Adam, na Adam Juma Adam, akisema vifo vyao ni pigo kubwa kwa uhuru wa habari na kujieleza.

Ametoa wito kwa mamlaka za Sudan Kusini kufanya kila liwezekanalo kuhakikisha kuwa uhuru huo unalindwa, na pia kwamba wanahabari wanaweza kutimiza majukumu yao katika mazingira salama.

Wanahabari hao watano waliuawa mnamo Januari tarehe 25 na watu waliojihami wasiojulikana, wakati walipokuwa wakisafiri kwenye msafara na viongozi wa mikoani katika jimbo la Bahr el Ghazal Magharibi.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud