Katibu Mkuu asihi pande zote nchini Yemen kujizuia na kudumisha amani

23 Januari 2015

Katibu Mkuu Wa Umoja wa Mataifa, Ban Ki-moon ana wasiwasi mkubwa kuhusu hali nchini Yemen, ambapo Rais Abd Rabbo Mansour Hadi na Waziri Mkuu Khaled Bahah wamejiuzulu mapema leo.

Katika taarifa, Bw Ban ametoa wito kwa pande zote wakati huu ambapo hali ni tete kujizuia na kudumisha amani na utulivu.

Halikadhalika, Katibu Mkuu ametaka pande zote kushirikiana kikamilifu na Mshauri wake Maalum kuhusu Yemen, Jamal Benomar, ambaye yuko mjini Sana'a na anashauriana kwa ukaribu na pande zote katika kusaidia upatikanaji wa suluhu kwa mgogoro wa sasa nchini.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud