UNSMIL yalaani shambulizi la kigaidi nchini Libya

30 Disemba 2014

Ujumbe wa Umoja wa Mataifa nchini Libya, UNSMIL umelaani shambulizi la kigaidi lilolenga hoteli katika mji wa Tobruk nchini Libya.

Wakati was shambulizi hilo baraza la wawakilishi la Libya lilikuwa likifanya kikao chake katika hoteli hiyo ilioko karibu na mpaka wa Misri.

Taarifa za vyombo vya habari nchini Libya zimesema mshambuliaji wa kujitoa mhanga alilipua gari lilokuwa na bomu ambapo watu watatu walijeruhiwa.UNSMIL imesema shambulizi hilo litaongeza tu ari ya wale wanaotaka kupatikana kwa ufumbuzi wa kisiasa na kusonesha juhudi za kuleta utulivu na usalama nchini Libya.

Tangu kutimuliwa kwa Muammar al-Qhadafi mamlakani 2010 Libya imekumbwa na migogoro.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud