Maeneo athirika Peru yasipatiwe wawekezaji wa mafuta: Wataalamu

15 Disemba 2014

Watalamu wa Umoja wa Mataifa wameonya kuwa hatua yoyote ya utoaji upya wa leseni kwa maeneo yaliyoharibiwa vibaya kimazingira nchini Peru kunaweza kuchochea isivyo kifani vitendo vya uvunjifu wa haki za binadamu.

Wataalamu hao wamesema kuwa iwapo hatua hiyo itatekelezwa basi waathirika wakubwa watakuwa wakazi asilia wa jimbo la Loreta ambao wanaweza wakijikuta wakitaabika kiafya, chakula na maji.

Onyo la wataalamu hao limekuja huku Serikali ya Peru ikiwa imepitisha uamuzi wa kutoa upya leseni kwa kampuni za mafuta kuendelea na shughuli zake kwenye eneo hilo.

Hivi karibuni kampuni ya uzalishaji mafuta inayomilikiwa na Serikali iliweka saini ya makubaliano na wakazi wa eneo hilo kwa ajili ya kukarabati upya maeneo yote ambayo yalikuwa yameharibiwa vibaya kutokana na shughuli za mafuta.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter