Kay alaani shambulizi la bomu Mogadishu

13 Oktoba 2014

Mwakilishi Maalum wa Katibu Mkuu wa Umoja nchini Somalia, Nicholas Kay, amelaani shambulizi la bomu la kutumia gari lililofanyika jana usiku mjini Mogadishu, na ambalo lilisababisha vifo na majeraha kwa watu wengi.

Kwa mujibu wa Rais wa Somalia, watu wapatao 13 waliuawa. Kay amelaani shambulizi hilo la kigaidi lililolenga raia wasio na hatia, akisema kuwa vitendo kama hivyo dhidi ya raia wa ukatili usiokubalika.

Mwakilishi huyo wa Katibu Mkuu amewapongeza walinzi na wahudumu wa afya kwa kuchukua hatua haraka, huku akitaka watekelezaji wa kitendo hicho kuchukuliwa hatua za kisheria haraka.

Aidha, Bwana Kay amesema wanasimama kidete katika msaada wao kwa raia wa Somalia katika juhudi zao za kuwa na amani na utulivu katika siku zijazo.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter